ஹாலிவுட் ரேஞ்சுக்கு படம் பண்ணணும்னு நினைச்சாலும், விதி கூடுவாஞ்சேரி தாண்டி போக விடாம தடுக்கும் பல பேரை! ஆனால் லொகேஷன் பார்க்கவே இரண்டு முறை ஹாலிவுட் போய் வந்திருக்கிறார் லேகா ரத்தினகுமார். அதுமட்டுமல்ல, இவரே தயாரித்து இயக்கவிருக்கும் புதிய படத்தின் ஒளிப்பதிவாளராக கெய்க் நகாகரா என்ற பெண்மணியை நியமித்திருக்கிறார். இவர் ஹாலிவுட் ஒளிப்பதிவாளர். அடுத்த ஆச்சர்யத்தையும் கேளுங்கள், படத்தின் போஸ்ட் புரடக்ஷன் வேலைகளையும் ஹாலிவுட்டிலேயே முடித்துக் கொள்ளப் போகிறாராம். இதற்காக இவர் ஒப்பந்தம் போட்டிருப்பது புகழ்பெற்ற போஸ்ட் புரடக்ஷன் நிறுவனமான சன்செட் லொகேஷன்ஸ் நிறுவனத்தின் அதிபர் ஷெர்ரி மில்லிகனிடம்!குற்றாலத்திலும், அமெரிக்காவிலும் நடப்பதாக அமைந்துள்ளது கதை. குற்றாலம் பகுதியை எடுப்பதற்காக புகழ் பெற்ற ஒளிப்பதிவாளர் ஒருவரிடம் பேச்சு வார்த்தை நடத்திக் கொண்டிருக்கிறார் லேகா ரத்னகுமார்.
கதை வசனத்தை சித்ரலேகா எழுத, திரைக்கதை, இசை, இயக்கம் லேகா ரத்னகுமார்.
முன்னணி ஹீரோக்கள் நடிப்பதை விட புதுமுகங்கள் இருந்தால் பொருத்தமாக இருக்குமே என்றும் தோன்றியதால் சுறுசுறுப்பாக புதுமுக வேட்டையும் நடந்து வருகிறது. செம பிகர்னு தன்னையே நினைச்சுகிட்டாலும் சரி, மற்றவங்க சொன்னாலும் சரி, நடிக்கணும்னு ஆசை இருந்தால் பின்வரும் இ-மெயிலுக்கு போட்டோவையும், விபரங்களையும் அனுப்புங்களேன். E-office@lekhaads.com
No comments:
Post a Comment