'காத்ரீனா, கரீனா ரொம்ப செக்ஸி'

காத்ரீனா கைப், கரீனா கபூர் இருவருக்குமே செக்ஸியான உடல் அமைப்பு என்று சிலாக்கிறார் 'மாக்கோ மேன்' அக்ஷய் குமார்.

வாயில் வருவதை பட்டென்று போட்டு உடைத்து பேசி விடும் சிலரில் அக்ஷய்குமாரும் ஒருவர். மேடையில் பூனை நடை போடப் போகும்போது பேன்ட் ஜிப்பை கழற்ற முடியாமல் திணறிப் போய் படாரென்று மனைவியிடம் போய் ஜிப்பை கழற்றி விடேன் என்று கூறி பரபரப்பை ஏற்படுத்தி, வழக்கிலும் சிக்கி, போலீஸாரிடம் சரணடைந்தவர் அக்ஷய்குமார்.

இந்த நிலையில் இன்னொரு வில்லங்கப் பேச்சைப் பேசியுள்ளார் குமார். காத்ரீனா மற்றும் கரீனா ஆகிய இருவருக்குமே நல்ல செக்ஸியான பாடி என்று கூறியுள்ளார் குமார்.

நான் இதுவரை நடித்த நடிகைகளிலேயே மிகவும் செக்ஸியான உடலமைப்புக் கொண்டவர்கள் காத்ரீனாவும், கரீனாவும்தான் என்கிறார் குமார்.

கடந்த 18 வருடங்களாக நடித்துக் கொண்டிருக்கும் அக்ஷய் குமார், இதுவரை காத்ரீனா மற்றும் கரீனாவுடன் மட்டுமே அதிக படங்களில் ஜோடி சேர்ந்துள்ளார். கரீனாவுடன் 5 முறையும், காத்ரீனாவுடன் 4 முறையும் ஜோடி சேர்ந்துள்ளார்.

இருவருடனும் ஒரே நேரத்தில் நடிக்கும் வாய்ப்பு வந்தால் யாரை விடுவது, யாருடன் இணைவது என்பதை தேர்வு செய்ய முடியாமல் தான் திணறிப் போய் விடுவேன் என்கிறார் சிலிர்ப்பு குறையாமல்.

தான் ஒரு மூத்த நடிகர் என்பதால் காத்ரீனாவும், கரீனாவும் தன்னிடம் டிப்ஸ் கேட்டு அணுகுவதாக கூறும் அக்ஷய், மூத்த நடிகர் என்ற முறையில் நிச்சயம் நான் அவர்களுக்கு உதவுகிறேன். நான் கற்றுக் கொண்டதை அவர்களுக்கும் கற்றுத் தருகிறேன் என்கிறார்.

அவர்களிடமிருந்து நீங்கள் என்ன கற்றுக் கொண்டீர்கள் என்று மடக்கலாக கேட்டால், இருவரிடமிருந்தும் நான் கற்றுக் கொண்டதை குறிப்பிட்டுச் சொல்ல முடியவில்லை. அவர்களுடன் சேர்ந்து பணியாற்றுவதே நல்ல அனுபவம்தானே என்கிறார்.

கரீனாவுடன் அக்ஷய் ஜோடி போட்டுள்ள கம்பக்த் இஷ்க் ஜூலை 3ம் தேதி ரிலீஸாகிறது.

அக்ஷய் ரொம்ப பத்திரமா இருங்க, சல்மானும், சைபும் சேர்ந்து வந்து 'புட் பால்' ஆடிடப் போறாங்க!

பர்தாவில் வந்து வழிபட்ட காத்ரீனா

பர்தா அணிந்து, ஆஜ்மீர் சென்ற காத்ரீனா கைப் அங்குள்ள புகழ் பெற்ற தர்காவில் வழிபட்டார்.

காத்ரீனா நடித்துள்ள நியூயார்க் என்ற புதிய படம் ஜூன் 26ம் தேதி ரிலீஸாகிறது. இந்த நிலையில் இன்று அதிகாலையில் காத்ரீனா கைப், ஆஜ்மீர் தர்காவுக்கு வந்தார்.

பக்தர்கள் கூட்டத்தில் சிக்கி விடக் கூடாது என்பதற்காகவே அதிகாலையில் காத்ரீனா வந்ததாக கூறப்படுகிறது. தர்காவுக்கு வந்த அவர் அங்கு மனமுருக வழிபட்டார்.

பர்தா அணிந்தபடி அவர் வந்ததால் யாருக்கும் அவரை அடையாளம் தெரியவில்லை. அவருடன் படக்குழுவினர் சிலரும் வந்திருந்தனர்.

முன்பொருமுறை நமஸ்தே லண்டனில் நடித்தபோதும் ஆஜ்மீர் தர்காவுக்கு வந்திருந்தார் காத்ரீனா. அப்போது அவர் குட்டை சட்டையுடன் வந்ததால் பிரச்சினை ஏற்பட்டது. கவர்ச்சியான உடையுடன் வருவதா என்று தர்கா நிர்வாகிகளும், பக்தர்கள் சிலரும் ஆட்சேபனை எழுப்பினர்.

இதை மனதில் கொண்டே இம்முறை எந்தவிதப் பிரச்சினையும் வந்து விடக் கூடாது என்பதற்காக பர்தா அணிந்து வந்திருந்தார் காத்ரீனா.