ஹார்ட்டிஸ்க் இட பற்றாகுறை - பெரிய கோப்புகளை கண்டறிய

கணினி வாங்கும் பொழுது நீங்கள் போதுமான கொள்ளளவு கொண்ட ஹார்ட்டிஸ்க் வாங்கி இருப்போம். பெரும்பாலானோர் வீடியோ , மென்பொருள்களை தரவிறக்கி உபயோகித்து விட்டு அவற்றை அளிக்க மறந்து இருப்போம். நாளடைவில் பாடல்கள், வீடியோ கோப்புகள், மென்பொருள்கள் என்று பெரிய கோப்புகளால் ஹார்ட்டிஸ்க் நிரம்பி வழிய ஆரம்பித்து விடும்.

அதிக இடம் எடுத்து கொண்டுள்ள கோப்புகள் எங்கு சேமித்து வைத்தோம் என்று மறந்து இருப்போம். அந்நேரங்களில் உங்கள் கணினியும் வேலை செய்ய திணறும். "Low Disk Space" என்று எச்சரிக்கை செய்தி தரும்.

இத்தருணங்களில் கணினியில் தேங்கி உள்ள கோப்புகளை தேடி கண்டுபிடித்து அளிக்க வேண்டும்.ஹார்ட்டிஸ்கில் எங்கு பெரிய அளவு கொண்ட கோப்புகள் இருக்கின்றன என்பதை கண்டறிவது கடினமான விஷயம். இந்த பெரிய கோப்புகளை அழித்தாலே பெரும்பாலான இடத்தை காலியாக வைத்து கொள்ளலாம்.

இதனை செய்ய Primitive File Size Chart என்ற இலவச மென்பொருள் உதவுகிறது. இதனை இந்த லின்க்கில் சென்று தரவிறக்கி கொள்ளுங்கள். இதனை இன்ஸ்டால் செய்ய தேவை இல்லை. தரவிறக்கிய கோப்பை திறந்தாலே போதுமானது.


இது விண்டோஸ் 2000/2003/XP/Vista/7 இயங்குதளங்களில் இயங்கும். இதன் மூலம் நீங்கள் பெரிய கோப்புகளை , அவை உள்ள போல்டர்களை கண்டறியலாம். பின்பு அந்த போல்டர்களுக்கு சென்று அந்த கோப்புகளை அழித்து கணினியின் ஹார்ட்டிஸ்க் இடத்தை மிச்சப்படுத்தி கொள்ளுங்கள்.

பிளாக்கின் வாசகர்களை அதிகரிக்க, நிரந்தரமாக்க

பதிவுலகில் வலைப்பதிவு எழுதுவோர் ஒவ்வொருவருக்கும் தனி காரணம் உண்டு. சிலர் பொழுதுபோக்கிற்காக எழுதுவோர். சிலர் தன் வாழ்வின் தடயங்களை பதிய எழுதுகின்றனர். சமூகம் குறித்தும், திரைத்துறை குறித்தும் தங்கள் பார்வையை பதிவிடுகிறார்கள். என் போன்று சில பதிவர்கள் கற்று கொண்ட விசயங்களை மற்றவர்களுடன் பகிர்வதற்காக வலைப்பதிவை உபயோகித்து வருகிறோம்.

ஒவ்வொரு வலைப்பதிவுக்கும் அவரவர் விருப்பம் சார்ந்து வாசகர் வட்டம் உண்டு. தொடர்ந்து அந்த வலைப்பதிவை வாசித்து வருவார்கள். நமது வலைப்பதிவுக்கு தினசரி புது வாசகர்கள் திரட்டிகள் மூலமாகவோ, நண்பர்கள் மூலமாகவோ வருகிறார்கள். வருபவர்கள் தொடர்ச்சியாக நம் வலைப்பதிவுக்கு மீண்டும் வருவார்கள் என்று உறுதி கூற முடியாது.

தமிழ் வலைப்பதிவுகளில் வருமானத்திற்கு வழி குறைவு என்பதால் வலைப்பதிவு எழுதுவதை யாரும் முழு நேர தொழிலாக செய்வதில்லை. நேரம் கிடைக்கும் போது எழுதுகிறார்கள். வலைப்பதிவை வாசிக்க வாசகர்கள் தினசரி வரும் போது புது பதிவு இல்லை என்றால் வருபவர்கள் அதிருப்தி கொள்கின்றனர். மீண்டும் அந்த வலைப்பதிவுக்கு வருவதை குறைத்து கொள்கின்றனர். கொஞ்சம் கொஞ்சமாக குறைந்து கடைசியில் ஒன்றுமில்லாமல் ஆகிவிடும். மீண்டும் திரட்டிகளில் கண்ணில் தென்பட்டால்தான் வருகிறார்கள்.

தினமும் பதிவு எழுதுவது இயலாத காரியம்தான். இந்த சூழ்நிலையில் நம் வலைப்பதிவுக்கு வரும் வாசகர்களை தக்க வைத்து கொள்வது முக்கியம். அதற்கு சில வசதிகள் உள்ளன. RSS Feeds , Follower என்ற வசதிகள் அவை.Follower வசதி வலைப்பதிவு வைத்து உள்ளவர்களுக்கு மிகவும் உதவியாக இருக்கும். இது குறித்து மற்றொரு இடுகையில் விரிவாக பார்க்கலாம்.

இப்போது RSS Feeds பற்றி பார்ப்போம். RSS Feeds பார்வையாளர்களுக்கு எந்த அளவில் உபயோகமாக இருக்கும் என்பதை ஏற்கனவே RSS செய்தியோடையின் முக்கியத்துவம், மகத்துவம் என்ற இடுகையில் விரிவாக எழுதி இருந்தேன்.

வலைப்பதிவு வைத்து இருக்கும் நாம், பார்வையாளர்களுக்கு RSS Feeds வசதிகள் அளிப்பது நமக்கு எந்த அளவில் உபயோகப்படும் என்று பார்ப்போம். நான் முன்னர் கூறி உள்ளபடி நமது வலைப்பதிவுக்கு வரும் புதிய வாசகர்களை நம் பதிவின் நிரந்தர வாசகராக மாற்றுவது இருவருக்கும் நன்மை பயக்கும். அதற்கான வசதிதான் RSS Feeds.

நாம் புதிய இடுகைகள் இடும் போது வாசகர் உபயோகிக்கும் Feed Reader ல் நமது புதிய இடுகைகள் புதுப்பிக்கப்பட்டு விடும். அவர் உங்கள் எழுத்துக்களை எளிய முறையில் தொடர்ச்சியாக வாசித்து கொள்வார்.

பிளாகரில் (blogger.com) வலைப்பதிவு வைத்து இருப்பவர்களுக்கு அவர்கள் வலைப்பதிவின் RSS Feeds URL பொதுவாக இப்படி இருக்கும். http://YOURBLOGNAME.blogspot.com/feeds/posts/default/ . இதனை Feed Reader -ல் இணைப்பதன் மூலம் இடுகைகளை வாசித்து கொள்ள முடியும்.

Feed Reader உபயோகிப்பதற்கு ஓரளவாவது இணையம் சார்ந்த அறிவு வேண்டும். அவர்கள் பிளாக்கர் அளிக்கும் இந்த RSS வசதியை உபயோகித்து கொள்வார்கள். ஆனால் புதியவர்கள் சிலர் ஈமெயில் மட்டும் உபயோகிக்க தெரிந்தவர்களாக இருக்கிறார்கள். அவர்களுக்கு RSS Feed , Reader என்பன குழப்பத்தை தரலாம். அவர்களுக்கும் உங்கள் எழுத்துகளை கொண்டு சென்று சேர்க்க வசதி உள்ளது.

RSS Feeds பொறுத்தவரை FeedBurner.com தளம் மேம்படுத்தப்பட்ட வசதிகளை அளிக்கிறது. பிரபலமான அந்த தளம் கூகிள் நிறுவனத்தால் வாங்கப்பட்டு மேலும் பிரபலமாகி உள்ளது.

Feedburner.com சென்று கூகிள் கணக்கு மூலம் லாகின் செய்து கொள்ளுங்கள். அங்கு உங்கள் பிளாக்கின் URL கொடுத்து புதிய RSS Feed உருவாக்கி கொள்ளுங்கள்.
அங்கு கேட்கப்படும் தகவல்களை அளிக்கும் போது உங்களுக்கு புதிய RSS Feed முகவரியை அளிக்கும். உதாரணத்திற்கு இப்படி இருக்கும். http://feeds.feedburner.com/tvs50posts .


இதனை உங்கள் வலைப்பதிவின் நிரந்தரமான RSS Feed URL ஆக மாற்ற வேண்டும். இதற்கு உங்கள் பிளாக்கர் Dashboard -ல் Settings --> Site Feed --> Post Feed Direct URL என்பதில் உங்கள் புதிய Feedburner RSS Feed Url அளித்து சேமிக்கவும். இனி உங்கள் வலைப்பதிவுக்கான RSS Feeds வசதியை FeedBurner கவனித்து கொள்ளும்.


இதில் முக்கிய வசதியான ஈமெயில் மூலம் சந்தாதாரர் (Subscribe) பற்றி பார்க்கலாம். மற்ற வசதிகளை பற்றி பின்பு தனி இடுகைகளாக எழுதுகிறேன்.
ஈமெயில் சந்தாதாரர் வசதியை பெற Feedburner சென்று Publicize --> Email Subscriptions கிளிக் செய்து ஆக்டிவேட் செய்யவும்.
சந்தாதாரர் வசதி அளிப்பதற்கு Code கொடுப்பார்கள். அதை உங்கள் வலைப்பதிவில் வேண்டுமென்ற இடத்தில் பேஸ்ட் செய்தால் போதுமானது. அல்லது பிளாக்கரில் எளிதாக இணைக்கும் வசதியையும் கொடுத்து உள்ளார்கள். அதனை உபயோக படுத்துங்கள். அங்கே Feed Count என்ற வசதியும் உண்டு. அதன் மூலம் உங்கள் வலைப்பதிவை தினமும் எத்தனை பேர் RSS Feeds மூலம் படிக்கிறார்கள் என்பதனை உங்கள் வலைப்பதிவில் காட்டலாம்.

பிளாக்கரில் Feedburner உபயோகப்படுத்துவது குறித்த இந்த செய்முறை வீடியோ கொஞ்சம் வளா வளா என்று இருந்தாலும் புரியும் படி உள்ளது. பார்க்கவும்.

Popout
இனி உங்கள் வலைப்பதிவில் வாசகர்கள் ஈமெயில் மூலமும் சந்தாதாரர் ஆகி கொள்ளலாம். நீங்கள் இடும் புதிய இடுகைகள் சந்தாதாரரை ஈமெயில் மூலம் சென்றடைந்து விடும். அவர் உங்கள் தளத்துக்கு வர தேவை இல்லை. உங்கள் பார்வையாளர்களை RSS Feeds உபயோகிக்க ஊக்கப்படுத்துங்கள். இந்த எளிய முறை மூலம் உங்கள் வாசகர்கள் பெருகி கொண்டு செல்வார்கள்.
இப்போதெல்லாம் வைரஸ் போன்ற பிரச்சினைகளால் வலைப்பதிவுகள் காணாமல் போகின்றன. மேலும் சிலர் பதிவு எழுதுவதை சில காலம் நிறுத்தி விட்டு மீண்டும் துவங்குகிறார்கள். நீங்கள் பதிவு எழுதுவதை நிறுத்தி விட்டு ஒரு வருடம் கழித்து மீண்டும் எழுதினாலும் நீங்கள் தக்க வைத்து கொண்டுள்ள வாசகர்களுக்கு உங்கள் படைப்புகளை கொண்டு செல்ல முடியும்.

அல்லது புதிய வலைப்பதிவு எழுதினாலும் Edit Feed Details மூலம் புதிய Feed மாற்றி அளித்து அங்கும் இவர்களுக்கு நம் படைப்புகள் கொண்டு செய்ய வைக்க முடியும். இது போன்ற வசதிகள் நம் வாசகர்களை இழக்காமல் வைத்து கொள்ள உதவும்.

இதன் மூலம் வாசகர்கள் பெருகும் போது நாம் எழுதுவதை நம்மால் எடை போட்டு கொள்ள முடியும். அதிகரித்தால் துணிச்சலாக எழுதலாம் :) . எழுதும் போதும் நம்மை நம்பி சந்தாதாரர் ஆகி உள்ளவர்களுக்காக எழுதுகிறோம் என்று உற்சாகம் பிறக்கும்.

RSS Feed வசதி அளிப்பதால் வாசகர்கள் நம் தளத்திற்கு வர மாட்டார்கள். Feed Reader , ஈமெயில் மூலம் வாசித்து இருந்து விடுவார்கள் என்ற தவறான குற்றசாட்டு உண்டு. தளத்திற்கு வந்து படிப்பவர்களை இது பாதிப்பதில்லை. ஒன்றுமில்லாமல் போவதற்கு பதில் குறிப்பிட்ட எண்ணிக்கையில் வாசகர்களையாவது கையில் வைத்து கொள்ளலாமே. Feedburner உங்கள் வாசகர் வட்டத்தை அதிகப்படுத்தும். கண்டிப்பாக உபயோகியுங்கள்.

மொத்தமாக கோப்புகளின் எக்ஸ்டன்சனை மாற்ற

"புது வகையான வைரசால் தனது கணினியில் இருந்த MP3 பாடல் கோப்புகள் எக்ஸ்டென்சன் .mp3 ல் இருந்து .jpg யாக ( analmele.mp3 = analmele.jpg ) மாறி விட்டன. அவற்றை திரும்ப .mp3 யாக மாற்றினால் வேலை செய்கிறது. ஒவ்வொரு கோப்பாக மற்ற வேண்டி உள்ளது. என்னிடம் மொத்தம் 20000 கோப்புகள் உள்ளன. அவற்றை மொத்தமாக எளிதாக jpg இலிருந்து mp3 யாக மற்ற முடியுமா?"

இத்தனை செய்ய பல வழிமுறைகள் உள்ளன. Dos கட்டளைகள் தெரிந்தால் எளிமையான விசயம்தான். படிப்படியாக விளக்குகிறேன்.

1. Start கிளிக் செய்து Run செல்லுங்கள் . அங்கு cmd என்று கொடுத்து OK கொடுங்கள்.

2. command விண்டோ திறக்கும். அங்கே உங்கள் கோப்புகள் எந்த போல்டரில் உள்ளதோ அங்கு மாறி கொள்ள வேண்டும். அதற்கு cd FOLDER PATH கொடுக்க வேண்டும். உதா. cd d:\ayan என்டெர் தட்டவும். D: என்று கொடுத்தால் அந்த போல்டருக்கு மாறி இருப்பீர்கள்.

நீங்கள் விஸ்டா உபயோகிப்பாளராக இருந்தால் கோப்புகள் உள்ள போல்டரில் Shift + Right Click செய்து Open command window here என்பதனை தேர்வு செய்து கொள்ளவும்.

3. அடுத்து rename கட்டளை மூலம் உங்கள் கோப்புகளின் எக்ஸ்டன்சனை மாற்றி கொள்ளலாம். உதா. ren *.jpg *.mp3 என்டர் தட்டவும். இதன் மூலம் jpg எக்ஸ்டன்சன் உள்ள அனைத்து கோப்புகளும் mp3 எக்ஸ்டன்சனுக்கு மாறி இருக்கும்.


DOS கட்டளைகளில் வேலை பார்ப்பது கடினமாக இருப்பதாக நீங்கள் கருதினால், Extension Renamer என்ற மென்பொருள் மூலம் செய்து கொள்ள முடியும். அந்த இலவச மென்பொருளை இங்கே கிளிக் செய்து தரவிறக்கி உங்கள் கணினியில் நிறுவி கொள்ளுங்கள்.

Select Directory மூலமாக கோப்புகள் உள்ள போல்டரை தேர்வு செய்து கொள்ளுங்கள். sub directory ல் உள்ள கோப்புகளையும் மாற்ற விரும்பினால் அந்த ஆப்சனை டிக் செய்து கொள்ளுங்கள். From என்பதில் *.jpg, To என்பதில் *.mp3 என்று கொடுத்து விட்டு "Go" கிளிக் செய்து கொள்ளுங்கள். அவ்வளவுதான் உங்கள் அனைத்து கோப்புகளும் எளிதில் எக்ஸ்டென்சன் மாற்ற பட்டு விடும்.

நல்ல ஆண்டி வைரஸ் போட்டு உங்கள் கணினியை பாதுகாத்திடுங்கள்.

கணினியை இணைய வழங்கியாக மாற்றுதல்

கோப்புகளை பகிர கணினியை இணைய வழங்கியாக மாற்றுதல் . உங்களின் தனிப்பட்ட புகைப்படங்கள், கோப்புகள், பாடல்கள் வைத்து உள்ளீர்கள். அவற்றை உங்கள் உறவினர் / நண்பர்களுடன் பகிர்ந்து கொள்ள விரும்புகிறீர்கள். கோப்பு பகிரும் தளங்கள் (File Sharing Sites) , பிகாஸா போன்ற புகைப்படம் பகிரும் தளங்கள் மூலம் இணையத்தில் ஏற்றி அவற்றை பகிர விருப்பமில்லை.

உங்கள் முக்கிய கோப்புகளை இல்ல கணினியில் (Home PC) வைத்து உள்ளீர்கள். இல்லத்தில் உள்ள கணினியின் கோப்புகளை உங்கள் அலுவலகத்தில் இருந்து அணுக வேண்டும் என்று நினைக்கிறீர்கள்.

ஒரு இணைய தளம் உருவாக்கி அதனை HTML கோப்புகளாக உங்கள் கணினியில் வைத்து உள்ளீர்கள். அவற்றை இணையத்தில் ஏற்றி இணையதளமாக அனைவரும் பார்க்கும் வண்ணம் அமைக்க வேண்டும் எனில் Web Hosting சேவை காசு கொடுத்து வாங்க வேண்டி இருக்கும். அல்லது இலவச சேவைகளை தேடி அலைய வேண்டி வரலாம்.

இது போன்ற தருணங்களில் மேலே சொன்ன அனைத்து வேலைகளையும் உங்கள் கணினியையே இணைய வழங்கியாக (Web Server) மாற்றி செய்ய இயலும். இணைய உலாவிகளில் சிறப்பிடம் பிடித்த ஒபேரா (Opera) இதற்கான வசதியை Unite என்ற பெயரில் வழங்குகிறது. இத்தனை உபயோகிக்க ஆழ்ந்த இணையம் சார்ந்த அறிவு தேவை இல்லை.

இதனை இங்கு சென்று தரவிறக்கி உங்கள் கணினியில் நிறுவி கொள்ளுங்கள்.

எப்படி உபயோகிப்பது? என்பதனை இந்த வீடியோ எளிய முறையில் விளக்குகிறது.

Popout
மெனு பட்டைக்கு கீழே Panels என்பதனை கிளிக் செய்து மூன்றாவதாக உள்ள Unite கிளிக் செய்து கொள்ளுங்கள். File Sharing, Photo Sharing உள்ளிட்ட சேவைகளை நீங்கள் ஸ்டார்ட் செய்து கொள்ளவும். புதிய உறுப்பினர் கணக்கு உருவாக்கி கொள்ளுங்கள்.


எந்த Folder ஐ பகிர வேண்டுமோ அதை செலக்ட் செய்து கொள்ளுங்கள். அவ்வளவுதான். உங்களுக்கு ஒரு URL , Password கிடைக்கும். அதனை நீங்கள் பகிர வேண்டியவரிடம் பகிர்ந்து கொள்ளுங்கள். அவர் அந்த URL ஐ அணுகுவதன் மூலம் Password அளித்து உங்கள் கோப்புகளை பார்க்க / தரவிறக்கி கொள்ள முடியும். மேலே கொடுத்துள்ள வீடியோவை பாருங்கள் எளிய முறையில் புரிந்து கொள்ளலாம்.

முக்கியமாக கோப்புகள் / புகைப்படங்களை பகிரும் போது உங்கள் கணினி இயக்கத்தில், இணைய இணைப்புடன் இருக்க வேண்டும். உங்கள் கோப்புகள் வேறெங்கும் ஏற்ற (Upload) படுவதில்லை. உங்கள் கணினியில் இருந்தே நேரடியாக உபயோகப்படுத்த படுகிறது. எனவே உங்கள் கணினி இயக்கத்தில் (ON) இருப்பது முக்கியம்.

ஹார்ட் டிஸ்க் பார்டிசன்களை எளிமையாக நிர்வகிக்க

முதலில் பார்டிசன் என்றால் என்ன என்பதை பார்ப்போம். கணினியில் உள்ள ஹார்ட்டிஸ்க் பெரிய கொள்ளளவில் வரும் போது அதனை நம் வசதிக்கேற்ப வெவ்வேறு அளவுகளில் பல பகுதிகளாக பிரித்து கொள்ளலாம். அதுதான் பாடிசன் எனப்படுகிறது. புரியும் படி சொல்ல வேண்டுமெனில் கணினியில் ஹார்ட்டிஸ்க் 80GB அளவுள்ளதாக கொள்வோம். அதனை நம் பயன்பாட்டுக்கு C: - 20GB , D: - 30GB , E: - 30GB என்று வேண்டிய அளவுகளில் பிரித்து கொள்ளலாம். உபயோகிக்கும் போது C: - இயங்குதளம் , D: - மென்பொருள்கள் , E: - பாடல்கள் , வீடியோ என்று சேமித்து விருப்பப்படி உபயோகித்து கொள்ளலாம்.

பெரும்பாலும் இவை நீங்கள் கணினி வாங்கும் போதே செய்யப்பட்டு வந்து விடும். இதில் எனக்கு ஒரு பிரச்சினை தோன்றியது. C: -ல் 20GB மட்டும் இருந்ததால் நிறுவும் மென்பொருள்களால் நிறைந்து நாளடைவில் Disk is full என்று வந்து விட்டது. D: -ல் அதிகமான இடம் இருந்தாலும் அதனை C: -க்கு நகர்த்துவது கடினமான காரியம்.

இது போன்ற தருணங்களில் முன்பு FDISK எனும் DOS டூலை உபயோகித்து வந்தேன். மொத்த ஹார்ட்டிஸ்க்கையும் திரும்ப பிரித்து C: அதிகமாகவும் D: , E: அளவு குறைவாகவும் நிறுவ வேண்டி இருந்தது. இந்த டூலை உபயோகிக்கும் போது ஹார்ட்டிஸ்க்கில் இருந்த அனைத்து தகவல்களும் அழிந்து விடும். மீண்டும் format செய்து புதியது போல் இயங்குதளம் நிறுவி உபயோக படுத்த வேண்டி இருக்கும். :(

ஆனால் Easeus Partition Master மென்பொருளை அறிந்து கொண்ட பிறகு இந்த வேலை மிக எளிதாயிற்று. இதன் மூலம் எளிய வழி முறைகள் மூலம் பார்டிசன் அளவுகளை கூட்டலாம் / குறைக்கலாம். பார்டிசன்களை அப்படியே காப்பி செய்து கொள்ளலாம். புதிய பாடிசன்களை உருவாக்கலாம். பார்டிசன்களை நீக்கலாம். ஏற்கனவே உள்ள பார்டிசன்களை இரண்டாக பிரிக்கலாம். மேலும் பல வசதிகள் உள்ளன. பார்டிசன்களை Format செய்து கொள்ளலாம்.

இவை அனைத்தையும் உங்கள் ஹார்ட்டிஸ்கில் எவ்வித தகவல் இழப்பும் (Data Loss) இன்றி செய்ய முடியும். இந்த மென்பொருள் இல்ல பயனர்களுக்கு (Home Use) முற்றிலும் இலவசம். இதனை இந்த லின்க்கில் சென்று தரவிறக்கி நிறுவி கொள்ளுங்கள். இது விண்டோஸ் எக்ஸ்பி, விண்டோஸ் 2000, விண்டோஸ் விஸ்டா, விண்டோஸ் 7 இயங்குதளங்களில் இயங்கும்.


மேலும் ஸ்க்ரீன்ஷாட்கள் .இத்தனை உபயோகித்து உங்கள் ஹார்ட்டிஸ்க் பார்டிசன்களில் தேவைக்கு ஏற்ப மாற்றங்கள் செய்து கொள்ளுங்கள். மாற்றங்கள் செய்த பின்பு மாற்றங்கள் சேமிக்கப்பட்டு உங்கள் கணினியை மீண்டும் துவக்க (Restart) சொல்லும். கணினி மீண்டும் துவங்க ஆரம்பிக்கும் போது நீங்கள் செய்த மாற்றங்கள் செயல்படுத்த படும்.

முக்கிய குறிப்பு : சோதித்து பார்க்கும் போது உங்கள் கணினியில் ஏதேனும் முக்கிய கோப்புகள் / தகவல்கள் இருந்தால் அவற்றை USB டிரைவிலோ, DVD யிலோ Backup எடுத்து கொள்ளவும். நீங்கள் தெரியாமல் ஏதேனும் தவறுகள் செய்ததால் தகவல்களை இழக்க நேரிடலாம்.

தரவிறக்கங்களை நிர்வகிக்க இலவச மென்பொருள்

பின்னூட்டத்தில் கணேஷ்பாபு குறைந்த வேகம் கொண்ட இணைய இணைப்புகளில் கோப்புகளை தடையின்றி தரவிறக்குவதற்கு மென்பொருள் சொல்லுங்கள் என்று கேள்வி எழுப்பி இருந்தார். பெரும்பாலானோருக்கு இது போன்ற மென்பொருள்கள் தெரிந்திருக்க வாய்ப்புண்டு. இணையத்தில் புதிதாக நுழைபவர்களுக்காக இதை எழுதுகிறேன்.

இணையம், தகவல் தளங்களை பார்ப்பதற்கு மட்டுமன்றி அங்கு சேமித்து வைக்கப்பட்டுள்ள மென்பொருள், பாடல், வீடியோ என்று அனைத்துவிதமான கோப்புகளையும் தரவிறக்க பெரிதும் உபயோகப்படுத்த படுகிறது.இணையத்தில் கோப்புகளை தரவிரக்குவோர் பொதுவாக எதிர் கொள்ளும் பிரச்சினைகள் பற்றி பார்ப்போம்.

கோப்புகளை தரவிறக்கி கொண்டு இருக்கும் போது மின்சாரம் போய் விட்டாலோ / இணைய இணைப்பு தடை பட்டாலோ மீண்டும் முதலில் இருந்து அந்த கோப்பை தரவிறக்க வேண்டும். விடுபட்ட இடத்தில் இருந்து தொடர முடியாது.

வேகம் குறைந்த இணைய இணைப்புகளில் தரவிரக்கத்தில் முழு வேகம் இருக்காது. வேகத்தை முடுக்க வேண்டியது அவசியம்.

பெரிய கோப்புகளை தரவிறக்கும் போது அவற்றை தொடர்ச்சியாக பல மணி நேரங்கள் தரவிறக்குவதற்கு பதிலாக அதனை நிறுத்தி (Pause) வைத்து பின்பு நமக்கு வசதிப்படும் நேரத்தில் தொடருவது (Resume) இயலாது.

கோப்புகளை தரவிரக்குவதில் டோர்ரன்ட் (Torrent) என்று ஒரு முறை உண்டு. அதற்கென்று தனி மென்பொருளை உன்பயோகிக்காமல் எல்லா வித தரவிறக்கங்களை ஒரே மென்பொருளில் நிர்வகிக்க முடிந்தால் நல்லது.


போன்ற வீடியோ தளங்கள் பெருகி உள்ள நிலையில் அவற்றில் உள்ள வீடியோ க்களை தரவிறக்க அந்த தளங்கள் வசதி தருவதில்லை. வேகம் குறைந்த இணைய இணைப்புகளில் வீடியோக்களை அந்த தளங்களில் காண்பதை விட தரவிறக்கி கணினியில் பார்ப்பது எளிதாக இருக்கும்.

வீடியோக்கள், திரைப்படங்களை தரவிறக்கும் போது அவை முழுவதுமாக தரவிறக்கிய பின்பே பொறுத்திருந்து பார்க்க வேண்டி இருக்கும். அதற்க்கு பதிலாக வீடியோ தரவிறக்கி கொண்டிருக்கும் போதே அதனை பார்க்க முடிந்தால் நேரம் மிச்சம்.

எண்ணிக்கையில் அதிகமான கோப்புகளை தரவிறக்கும் போது அவை எந்தெந்த நேரத்தில் தரவிறக்க வேண்டும் என்று கால அட்டவணை அமைத்து மேலாண்மை செய்யும் வசதி இருந்தால் நன்றாக இருக்கும்.

சுருக்கப்பட்ட ZIP கோப்புகளை சில தளங்கள் வழங்குவார்கள். முழுதும்
தரவிறக்கிய பின்பே அதனுள் என்னென்ன கோப்புகள் உள்ளன என்று அறிய முடியும். மாறாக தரவிறக்க ஆரம்பத்திலேயே அந்த ZIP கோப்பின் உள்ளே என்னென்ன கோப்புகள் உள்ளடங்கி உள்ளன என்பதை அறிந்தால், தேவை இல்லாத கோப்புகளை தரவிறக்குவதை தவிர்க்கலாம்.

இணையத்தில் தளங்களை பார்த்து கொண்டிருக்கும் போது ஏதேனும் தரவிறக்கி கொண்டு இருந்தால் இணைய தளங்களை பார்ப்பது மிகவும் மெதுவாக இருக்கும். காரணம் கோப்பு தரவிறக்கம் அதிக வேகத்தை எடுத்து கொள்ளுவது தான். இணைய பக்கங்களை பார்க்கும் போது அதற்கு முன்னுரிமை கொடுத்து தரவிறக்க வேகத்தை குறைத்து வைக்கும் வசதி இருந்தால் நல்லது.

நம்மிடம் உள்ள ஒரு கோப்பை மற்றொருவருடன் இணையத்தில் பகிர விரும்பினால் சுத்தி வளைக்காமல் எளிதில் தரவேற்றி (Upload) செய்து அடுத்தவருடன் பகிரும் வசதி.

மேலே கூறி உள்ள சிக்கல்களை சிலவற்றை தீர்க்க தனித்தனி மென்பொருள்கள் இருந்தாலும் பணம் கொடுத்து வாங்க வேண்டி உள்ளது. இலவசமாக இருந்தால் ரொம்ப நல்லா இருக்கும்.

ஆமாங்க! மேலே கூறியுள்ள எல்லா பிரச்சினைகளையும் தீர்க்க வல்ல சிறப்பான மென்பொருள் முற்றிலும் இலவசமாக கிடைக்கிறது.

இலவச டவுன்லோட் மேனேஜர் (Free Download Manager)


தரவிறக்கம் தொடர்பாக வணிக ரீதியில் விற்கப்படும் பிற மென்பொருள்களை விட இந்த இலவச மென்பொருள் மிக நன்றாக உள்ளது. இந்த பக்கத்திற்கு சென்று தரவிறக்கி கொள்ளுங்கள்.

பல நிறுவனங்களின் விருதுகளை பெற்றுள்ளது. இன்டர்நெட் எக்ஸ்ப்ளோரர், பயர்பாக்ஸ் உள்ளிட்ட இணைய உலாவிகளில் ஒருங்கிணைந்து செயல்படும்படி இந்த மென்பொருள் அமைக்கப்பட்டுள்ளது. தரவிறக்க பிரச்சினைகளை தீர்க்க/ தரவிறக்கத்தை மேம்படுத்த வல்ல மென்பொருள். நிச்சயம் உபயோகமாய் இருக்கும்.

கோப்பு = File , தரவிறக்கம் = Download

மொபைல் போனில் தமிழ் தளங்களை வாசிக்க

இணையத்தில் பதிவுகளை வாசித்து கொண்டிருக்கும் போது பதிவர் டாக்டர். புருனோ அவர்களின் பயணங்கள் பிளாக்கில் மொபைல் போனில் அவர் பிளாக்கை பார்ப்பது பற்றி எழுதியிருந்த இடுகை கண்ணில் பட்டது.

முன்பு என்னுடைய சோனி எரிக்சன் மொபைலில் தமிழ் தளங்களை பார்ப்பதில் எழுத்துரு பிரச்சினை இருந்தது. ஆர்வம் இல்லாததால் அத்துடன் விட்டு விட்டேன். இப்போது மீண்டும் முயன்ற போது அதே எழுத்துரு பிரச்சினை. தமிழ் இணைய தளங்களின் தமிழ் எழுத்துகள் சரியாக தெரியவில்லை.

புருனோ அவர்களின் இடுகையின் பின்னூட்டத்திலேயே பதிவர் மின்னுது மின்னல் இந்த பிரச்சினையை தீர்க்க ஒரு உதவி லிங்க் தந்து இருந்தார். அதன்படி உபயோகித்து பார்த்தேன். தமிழ் எழுத்துரு பிரச்சினை தீர்ந்து விட்டது. மேலும் இது போன்ற பிரச்சினை உள்ள பலரை சென்றடையட்டும் என்று இங்கு பகிர்கிறேன்.

மொபைலில் தமிழ் தளங்களின் எழுத்துரு பிரச்சினையை தீர்ப்பதற்கான வழிமுறை

1. உங்கள் மொபைலில் GPRS வசதியை உயிர்ப்பித்து கொண்டு, மொபைல் மூலம் http://www.opera.com/mini/ இணையதளத்திற்கு சென்று ஒபேரா மினி தரவிறக்கி உங்கள் மொபைலில் நிறுவி கொள்ளுங்கள்.

2. மொபைலில் நிறுவிய ஒபேரா மினி உலாவியை திறந்து கொள்ளுங்கள். பின்பு அட்ரஸ் பாரில் opera:config என்று கொடுத்து OK கொடுக்கவும்.
3. தோன்றும் பக்கத்தில் Use bitmap fonts for complex scripts menu என்பதில் enable YES கொடுத்து save செய்யவும்.
4. ஒபேரா மினி உலாவியை மூடி விட்டு மீண்டும் திறக்கவும்.

இனி உங்கள் மொபைலில் நீங்கள் தமிழ் இணைய தளங்களை எந்த தடை இன்றியும் பார்க்கலாம்.

இது எனக்கு எவ்வித தடை இன்றி வேலை செய்தது. வேறேதும் வழிமுறைகள் இருந்தால் பின்னூட்டத்தில் கூறுங்கள்.

எனது இந்த பிளாக்கை நீங்கள் உங்கள் மொபைலில் இருந்து கீழ்க்கண்ட முகவரிகளில் எளிதாக வாசிக்கலாம்.

http://bit.ly/tvs50 OR http://www.google.com/reader/m/view/feed/http://feeds2.feedburner.com/tvs50 OR http://feeds2.feedburner.com/tvs50 OR http://tamilnutpam.mofuse.mobi/

உபயோகித்து பாருங்கள். குறைகள் ஏதேனும் இருந்தால் சுட்டி காட்டுங்கள். என்னை திருத்திக்கொள்ள உதவியாய் இருக்கும்.

'அப்புறமா படிக்க' பயனுள்ள பயர்பாக்ஸ் நீட்சி

இணையத்தில் உலவிக்கொண்டிருக்கும் போது காணும் பக்கங்களை உடனுக்குடன் அனைத்தையும் படிப்பது இயலாத காரியம். சில முக்கிய பக்கங்களை பின்பு படிக்கலாம் என்று குறித்து வைக்கலாம். இது போன்ற தருணங்களில் பயர்பாக்சில் புக்மார்க்ஸ் உபயோகிப்பதுண்டு.

இதில் என்ன பிரச்சினை என்றால் படித்து முடித்தவற்றை உடனே நீக்காவிடில் நாளடைவில் புக்மார்க்ஸ் நிரம்பி வழிந்து விடும். பின்பு மொத்தமாக நீக்க முயலும் போது தேவையானவை / தேவையற்றவை போன்றவற்றை பிரித்து நீக்குவது கடினமாக இருக்கும்.

இதனை எளிதாக்க பயர்பாக்சில் ஒரு நீட்சி (Extension) உள்ளது. Read It Later என்பதுதான் அது. இந்த நீட்சியை இங்கு சென்று தரவிறக்கி உங்கள் பயர்பாக்சில் நிறுவி கொள்ளுங்கள்.

பயர்பாக்சின் அட்ரஸ் பாரில் புதிய Tick ஐகான் பார்க்க முடியம். வலது ஓரத்தில் மற்றுமொரு புதிய Read It Later ஐகான் இருக்கும். இணைய பக்கங்களை காணும் போது டிக் ஐகானை கிளிக் செய்து அந்த பக்கத்தை பின்பு படிக்க குறித்து வைத்து கொள்ளலாம். குறித்து வைத்த பக்கங்களை படித்து முடித்த பின்பு இதே டிக் ஐகானை கிளிக் செய்து பட்டியலில் இருந்து நீக்கி விடலாம்.


ஒரு இணையபக்கத்தில் உள்ள லிங்க்குகளை வரிசையாக ஒவ்வொன்றாக குறித்து வைத்து கொள்ள Alt + M கீகளை அழுத்தி Save Mode Active செய்து கொள்ளுங்கள். இனி நீங்கள் கிளிக் செய்யும் ஒவ்வொரு பக்கமும் குறித்து வைக்கப்பட்டு விடும்.


வலது ஓரத்தில் உள்ள Read It Later ஐகானை கிளிக் செய்தால் நாம் குறித்து வைத்துள்ள பக்கங்களை பார்க்கலாம். வரிசைப்படுத்தி கொள்ளும் வசதியும் அங்குண்டு.


இன்னொரு முக்கிய வசதியும் இதில் உண்டு. Read Offline. நீங்கள் குறித்து வைத்துள்ள பக்கங்களை பயணிக்கும் போதோ / இணைய இணைப்பு இல்லாத போது படிக்க முடியும். Read Offline கிளிக் செய்து கொள்ளுங்கள். நீங்கள் குறித்து வைத்துள்ள பக்கங்கள் எல்லாம் கணினியில் சேமிக்கப்பட்டு விடும்.


பின்பு இணைய இணைப்பு இல்லாத போது, பயர்பாக்சில் File மெனுவில் Work Offline கிளிக் செய்து கொள்ளவும். பின்பு நீங்கள் குறித்து வைத்துள்ள பக்கங்களை படிக்கவும்.

இந்த வீடியோவில் எளிய விளக்கங்கள் கொடுக்கப்பட்டுள்ளன.

Popout
இந்த நீட்சியை உபயோகித்து பாருங்கள். அப்புறமா படிக்க வேண்டியவற்றை குறித்து வைத்து கொண்டு, படித்து விட்டு நீக்கி விடுங்கள்.

மைக்ரோசாப்ட்டின் இலவச ஆண்டிவைரஸ் மொர்ரோ

தனிப்பட்ட உபயோகங்கள், வர்த்தக தேவைகள் என்று கணினியை உபயோகிக்கும் போது அதன் பாதுகாப்பு முக்கியமாகிறது. வைரஸ், டிரோஜன், ஸ்பைவேர் என்று கணினியின் பாதுகாப்பு கேள்விக்குரியதாகவே உள்ளது. இயங்குதளங்களுக்கு (Operating System) இருக்கும் தேவைகளை போலவே ஆண்டிவைரஸ் மென்பொருள்களுக்கும் நல்ல தேவை உள்ளது. Symantec, Kaspersky, McAfee என்று பல நிறுவனங்களும் இத்துறையில் வெற்றிகரமாக செயல்பட்டு வருகின்றன.மைக்ரோசாப்ட்டும் வணிக ரீதியில் Windows Live Onecare எனும் ஆண்டிவைரஸ் மென்பொருளை விற்று வருகிறது.

விரைவில் விண்டோஸ் கணினிகளின் பாதுகாப்பை அதிகப்படுத்தும் பொறுத்து புதிய இலவச ஆண்டிவைரஸ் மென்பொருளை இந்த ஆண்டின் இறுதியில் வெளியிட போவதாக மைக்ரோசாப்ட் அறிவித்து உள்ளது. அதற்கு மொர்ரோ (Morro) என்று பெயரிட்டு உள்ளது.

தற்போது விற்று வரும் Windows Live Onecare விற்பனையை நிறுத்த முடிவு செய்து உள்ளார்கள். புதிய மொர்ரோ ஆண்டிவைரஸ் விண்டோஸ் எக்ஸ்பி , விஸ்டா, விண்டோஸ் 7 போன்றவற்றில் இயங்கும்படி உருவாக்கப்பட்டு உள்ளது. வைரஸ், டிரோஜன், ரூட்கிட், ஸ்பைவேர் உள்ளிட்ட அனைத்து வில்லங்க மென்பொருள்களை நீக்கும் வண்ணம் இது இருக்கும் என்கிறார்கள். இதன் பீட்டா பதிப்பை விரைவில் எதிர்பார்க்கலாம்.


தற்போது ஆண்டிவைரஸ் மென்பொருள்களை விலை கொடுத்து வாங்க வேண்டி இருப்பதால், அதனை இலவசமாக அளித்தால் தன் நிறுவனத்தின் இயங்குதளங்கள் (OS) விற்பனையை கூட்டலாம் என்று மைக்ரோசாப்ட் கணக்கு போடுகிறது. அது நடக்கலாம். எப்படியோ பயனர்களுக்கு நல்ல இலவச ஆண்டிவைரஸ் கிடைத்தால் மகிழ்ச்சிதான்.

பில்கேட்ஸ் சார், அப்படியே வணிகரீதியில் செயல்படாத இல்ல பயனர்களுக்கு (Home Users) உங்க இயங்குதளத்தை (Operating System) இலவசமா தந்தா ரொம்ப நல்லா இருக்கும்.

கணக்குகளை எளிதாக்கும் Command Line Calculator

நான் கணிதத்தில் பெரிய அறிவு பெற்றவன் இல்லை. நாள்தொறும் கணக்குகளை உபயோகபடுத்தும் பொறியாளரும் அல்ல. பள்ளி நாட்களில் Sin, Cos, Vector, Calculus போன்றவை பெயரளவில் நியாபகம் இருக்கிறது.

விண்டோஸ் கணினியில் வரும் கால்குலேட்டர் கூட்டல், கழித்தல் , பெருக்கல் மற்றும் வகுத்தல் முதலான அடிப்படை கணித தேவைகளை நிறைவேற்றுவதாக இருக்கும். கணித துறையில் ஆர்வம் உள்ளவர்களும், மாணவர்களும் தனது மேம்பட்ட கணித தேவைக்காக உபயோகிக்க ஏதுவான ஒரு கால்குலேட்டர் மென்பொருளை இணையத்தில் கண்டேன். கணித தேவைகளை எளிதில் நிறைவேற்றும் வண்ணம் அந்த மென்பொருள் அமைந்து உள்ளது.

அந்த மென்பொருளின் பெயர் Command Line Calculator . அதனை இங்கு சென்று தரவிறக்கி நிறுவி கொள்ளுங்கள். இதில் மற்ற கால்குலேட்டர்களில் உள்ளது போன்று பட்டன்கள் இல்லை. ஒவ்வொரு கணக்கையும் உங்கள் கீபோர்டு மூலம் கொடுக்க வேண்டும். Enter தட்டினால் விடை கிடைக்கிறது.


கணித துறையில் ஆழ்ந்த அறிவு இல்லாததால் அதன் உபயோகங்கள் என்ன என்பதை தெளிவாக கூற இயல வில்லை. மேலும் விபரங்களையும் அதன் பயன்பாடுகளையும் இங்கு சென்று பார்த்து அறிந்து கொள்ளுங்கள்.

கணினியில் USB Drive களை முடக்குவது எப்படி?

கணினியில் USB Drive களை முடக்க வேண்டிய நிர்பந்தம் எப்போது ஏற்படும் என்பதனை பார்ப்போம். கணினியில் வைரஸ் நுழைவதற்கான நுழைவாயில் பெரும்பாலும் USB Drive கள் தான். ஒன்றிற்கு மேற்பட்டோர் கணினியை உபயோகிக்கும் போது அனைவரும் USB Drive களை பயன்படுத்துவது தவிர்க்க இயலாதது.இல்லத்திலோ, அலுவலகங்களிலோ , ப்ரொவ்சிங் சென்டெர் போன்ற இடங்களிலோ கணினி பற்றி அதிகம் அறியாதோர் தவறுதலாக வைரஸ் உள்ள USB Device மூலம் கணினிக்குள் வைரஸ் புகுத்தி விட வாய்ப்பு உண்டு.

நம்முடைய கணினியில் உள்ள விவரங்களை நாம் கணினியில் இல்லாத நேரம் பிறர் சில நிமிடங்களில் USB காப்பி செய்து எடுத்து விடும் அபாயமும் உண்டு. இது போன்ற தருணங்களில் கணினியில் உள்ள USB Drive களை முடக்கி (Disable) செய்து வைக்க வேண்டிய கட்டாயம் வரும்.

கணினியின் BIOS Settings சென்று USB Port Disable செய்யலாம். ஆனால் அது நாம் USB Mouse, USB Keyboard, USB Printer போன்றவற்றை உபயோகித்தால் அவற்றையும் முடக்கி விடும்.USB Storage Device களை மட்டும் முடக்க வேண்டும். இதனை மூன்று வழிமுறைகளில் செய்யலாம்.

Start பட்டனை கிளிக் செய்து Run கிளிக் செய்யுங்கள். அதில் regedit என்று கொடுத்து எனத் தட்டுங்கள். Start --> Run --> regedit . ரெஜிஸ்டரி எடிட்டர் தோன்றும். அதில் HKEY_LOCAL_MACHINE --> SYSTEM --> CurrentControlSet --> Services --> UsbStor செல்லுங்கள். வலது புறம் வரும் ஆப்சன்களில் "Start" என்பதனை டபுள் கிளிக் செய்யுங்கள்.

தோன்றும் விண்டோவில் "Value Data" என்பதில்
நீங்கள் USB Storage Drive களை Disable செய்ய விரும்பினால் "4" என்று கொடுக்கவும். USB Storage Drive களை Enable செய்ய விரும்பினால் "3" என்று கொடுக்கவும்.


ரெஜிஸ்டரி எடிட்டரை மூடி விட்டு கணினியை Reboot செய்யவும். உங்கள் தேர்வின்படி USB Storage Drive enable/disable ஆகும்.

இந்த முறை உங்களுக்கு கடினமானதாக தோன்றினால் ஒரு எளிய முறையை பார்ப்போம். கீழ்காணும் இரண்டு கோப்புகளையும் தரவிறக்கி கொள்ளுங்கள்.

USB Storage Drive களை Enable செய்ய - EnableUSBDrive.reg
USB Storage Drive களை Disable செய்ய - DisableUSBDrive.reg

உங்கள் தேவைக்கான கோப்பை ஓபன் செய்தால் USB Enable / Disable ஆகும்.


மற்றுமொரு வழிமுறையும் உண்டு. ஒரு இலவச மென்பொருள் மூலம் இதனை செய்யலாம். இந்த மென்பொருளை இங்கே கிளிக் செய்து பெற்று உங்கள் கணினியில் நிறுவி கொள்ளுங்கள்.


வேண்டுமென்ற ஆப்சனை தேர்வு செய்து உங்கள் தேவையை நிறைவேற்றி கொள்ளுங்கள். மேற்சொன்ன முறைகள் விண்டோஸ் எக்ஸ்பி, விண்டோஸ் 2000, விண்டோஸ் 2003, விண்டோஸ் விஸ்டா , விண்டோஸ் 28, விண்டோஸ் 7 உள்ளிட்ட விண்டோஸ் இயங்குதளங்களில் வேலை செய்யும்.

இன்டர்நெட் எக்ஸ்ப்ளோரரில் பிளாக்கர் பிழை

பதிவுகளை வாசித்து கொண்டிருந்த போது பிளாக் எழுதுபவர்களுக்கு என்று பதிவர் சுமஜ்லாவின் பதிவு கண்ணில் பட்டது. இன்டர்நெட் எக்ஸ்ப்ளோரரில் இடுகைகள் தோன்றுவதில் சிக்கல் இருப்பதாக தெரிவித்து இருந்தார். நான் பெரும்பாலும் பயர்பாக்ஸ் உபயோகிப்பது வழக்கம். இன்டர்நெட் எக்ஸ்ப்ளோரரில் எனது இந்த பிளாக் எப்படி தெரிகிறது என திறந்து பார்த்தேன். பிளக்கின் முகப்பு பக்கம் தெரிவதில் எந்த பிரச்சினையும் இல்லை. ஆனால் இடுகை பக்கங்களை தனியே திறந்து பார்க்கும் போது பக்கத்தில் தவறு இருப்பதாக அதே பிழை செய்தி வந்தது. அடுத்து "Page not found" என்று இடுகை பக்கம் மூடப்பட்டு விடுகிறது.

எதனால் இந்த பிழை வருகிறது என்று கூகிள் ஆண்டவரை கேட்டேன். அவர் "கவலை படாதே! பக்தா!! இது உனக்கு மட்டுமல்ல! பெரும்பாலான மக்களுக்கு நேர்ந்துள்ளது!" என்று இந்த பிளாக்கர் பக்கத்தை சென்று பார்க்க சொன்னார்.

பிளாக்கர் நிர்வாகம் இந்த பிழை வருவதை இன்னும் தீர்க்காத பிரச்சினையாக ஒப்பு கொண்டுள்ளது. பிளாக்கில் "Followers" gadget நிறுவி இருப்பதால் தான் இந்த பிரச்சினை வருகிறது என்று தெரிவித்து உள்ளார்கள். இத்தனை சரி செய்ய பிளாக்கரின் Dashboard சென்று Layout --> Page Elements செல்லவும். "Follower" gadget ஐ நீக்கி விடவும். அல்லது உங்கள் சைடு பாரில் இறுதிக்கு கொண்டு சென்று நிறுவி விடவும் (இப்படித்தான் இந்த பிளாக்கில் செய்து உள்ளேன்) .


இப்போது பிரச்சினை தீர்ந்து விட்டது. பிளாக்கர் நிரந்தர தீர்வு தரும் வரை இதனை கடை பிடிப்போம்.

எனவே பிளாக்கில் "Follower" Gadget நிறுவி உள்ளவர்கள் இன்டர்நெட் எக்ஸ்ப்ளோரரில் உங்கள் இடுகை பக்கங்கள் சரியாக தெரிகிறதா? என்று சோதிக்கவும். பிழை வந்தால் சரி செய்யவும். இல்லையெனில் இன்டர்நெட் எக்ஸ்ப்ளோரர் மூலம் உங்கள் இடுகையை பார்வையிடும் பார்வையாளரை நீங்கள் இழக்க நேரிடும். இன்னும் பெரும்பாலான இணைய பார்வையாளர்கள் இன்டர்நெட் எக்ஸ்ப்ளோரர் உபயோகித்து வருகிறார்கள் என்பது குறிப்பிட தக்கது.

குறிப்பு : நான் சோதித்து பார்த்தது Internet Explorer 8.0 . இந்த பிழையை அறியச்செய்த பதிவர் சுமஜ்லாவிற்கு மிக்க நன்றி.

விண்டோஸ் 7 ஐ துரிதப்படுத்த இலவச மென்பொருள்

விண்டோஸ் 7 RC இலவசமாக தரவிறக்கி நிறுவுவது பற்றி ஏற்கனவே ஒரு பதிவில் எழுதி இருந்தேன். தற்போது விண்டோஸ் 7 உபயோகித்து வருகிறேன். இதுவரை ஏதும் குறை சொல்லும்படி இல்லை.

விண்டோஸ் எக்ஸ்பி , விண்டோஸ் விஸ்டா போன்றவற்றிக்கு Tweak மென்பொருள்கள் நிறைய புழக்கத்தில் உள்ளன. விண்டோஸ் 7 க்கும் தற்போது எளிய Tweak மென்பொருள்கள் வெளியிடப்பட்டு வருகின்றன. அவற்றில் ஒன்று தான் EnhanceMySe7en.

இத்தனை உபயோகித்து விண்டோஸ் 7 இல் Registry Cleaning, Disk Defragmenter, Startup கையாளுதல் உள்ளிட்ட மேலும் பல வேலைகளை எளிதில் செய்யலாம்.

தோற்ற படங்கள் (Screen Shots)


இந்த மென்பொருள் பற்றி மேலும் அறிந்து கொள்ள இங்கே செல்லுங்கள். இந்த மென்பொருளுக்கான தரவிறக்க லிங்க்.

வேகமாக கோப்புகளை காப்பி செய்ய டெராகாப்பி

பொறுத்தார் பூமியாள்வார் என்பார்கள். கணினியை பொறுத்தவரை நம் பொறுமையை சோதிக்கும் பல விஷயங்கள் நடக்கும். அதில் ஒன்று மிகப்பெரிய கோப்புகளையோ, போல்டெர்கலையோ காப்பி செய்யும் போது மிக குறைவான வேகம் மற்றும் பல இடையூறுகள்.

அதிக கோப்புகள் உள்ள பெரிய போல்டெர்களை காப்பி செய்யும் போது இடையில் ஏதாவது பிழை செய்தி தந்து விட்டு காப்பி செய்வது நின்று விடும். எந்த கோப்பு வரை காப்பி ஆனது எது காப்பி ஆகவில்லை என்ற குழப்பம் நேரிடும். மீண்டும் அந்த ஒட்டு மொத்த போல்டரயுமே காப்பி செய்ய வேண்டும். காப்பி செய்யும் போது நேரக்கூடிய மிக குறைவான வேகம் எரிச்சலை தரும்.

விண்டோஸ் இயங்குதளத்தில் இந்த பிரச்சினைக்கு தீர்வு தரும் விதம் ஒரு மென்பொருள் உள்ளது. TeraCopy - இங்கே கிளிக் செய்து இந்த மென்பொருளை தரவிறக்கி உங்கள் கணினியில் நிறுவி கொள்ளுங்கள். இனி நீங்கள் காப்பி செய்து பேஸ்ட் செய்யும் போது இந்த மென்பொருள் தானாக இயங்க ஆரம்பிக்கும்.


இந்த மென்பொருளின் சிறப்பம்சங்கள் :

1. துரிதமாக காப்பி வேலையை செய்து முடிக்கும்.

2. காப்பி செய்து கொண்டிருக்கும் போது அதனை "Pause" செய்து வைத்து கொண்டு பின்பு "Resume" செய்து காப்பி வேலையை தொடரலாம்.

3. காப்பி செய்து கொண்டு இருக்கும் போது , ஒரு குறிப்பிட்ட கோப்பு காப்பி செய்வதில் இடையூறு ஏற்பட்டால் அந்த கோப்பை விட்டு விட்டு மற்ற கோப்புகளை காப்பி செய்யும். ஒட்டு மொத்த காப்பி வேலையையும் தடை செய்து விடாது.

4. இடையூறு ஏற்பட்ட கோப்புகளின் பட்டியலை காண்பிக்கும். அந்த கோப்புகளை நீங்கள் சரி செய்து பின்பு காப்பி செய்து கொள்ளலாம்.

உபயோகித்து பாருங்கள். இந்த மென்பொருள் தேவை இல்லை என்றால் Start --> Programs --> Teracopy --> Uninstall Teracopy செய்து விட்டு பழைய காப்பி முறையை பெற்று கொள்ளுங்கள்.