அப்பா அருகில் இல்லையென்றால் நீச்சல் உடைக் காட்சி மற்றும் முத்தக் காட்சிகளில் நடிக்க எனக்கு எந்த ஆட்சேபணையும் இல்லை என்றார் கமல்ஹாஸன் மகள் ஸ்ருதி ஹாஸன்.சமீபத்தில் நடந்த பத்திரிகையாளர் சந்திப்பின்போது ஸ்ருதி ஹாஸன் அளித்த பேட்டி:
பிகினி உடையில் நடிப்பதை நான் வரவேற்கிறேன். இதில் தவறு எதுவும் இல்லை. காரணம், பிகினியில்தான் ஒரு பெண் தனது உடல் அழகை முழுமையாக வெளிப்படுத்த முடியும். நான் பிகினியில் நடிக்க விரும்புகிறேன். அந்த மாதிரி காட்சி ஒன்று வரவிருக்கும் எனது படம் ('லக்') ஒன்றிலும் கூட உள்ளது.
ரொம்ப நெருக்கமான ரொமான்ஸ் காட்சிகளைப் படமாக்கும்போது அப்பா செட்டில் இருப்பதை நான் விரும்புவதில்லை. அவர் பக்கத்தில் இல்லாத காட்சிகளில் பிகினியில் நடிக்க எனக்கு எந்த தயக்கமும் இல்லை.
இந்தப் படத்தில் எனக்கு ஜோடியாக நடிப்பவர் இம்ரான் கான். சிறுவயதிலிருந்தே என்னை அறிந்தவர் இம்ரான். அதனாலென்ன... அவருடன் ரொமான்ஸ் காட்சிகளில் நடிக்க இது தடையாக இருக்கவில்லை.
லக் படத்தின் காட்சிகள் எதையும் இதுவரை என் அப்பாவுக்கு போட்டுக் காட்டவில்லை. முழுவதுமாக எடுத்து முடித்த பிறகே படத்தைக் காட்டுவோம்.
உன்னைப்போல் ஒருவன் படத்தில் நான் நடிக்கவில்லை. இசை சிறப்பாக வந்துள்ளது. என் வேலையில் என் அப்பா குறுகிகிடுவதில்லை. காரணம் அதை நான் விரும்புவதில்லை. இந்தப் படத்தின் இசையில் பல ஆச்சர்யங்கள் இருக்கும்..." என்றார்.
