எல்லா விஷயத்திலும் தன்னைக் காப்பி அடித்து வருகிறார் மேகான் பாக்ஸ் என்று கோபத்தில் உள்ளாராம் உதட்டழகி ஏஞ்செலீனா ஜூலி.ஜூலிக்கும், மேகான் பாக்ஸுக்கும் உள்ள ஒற்றுமைகள் குறித்து ஹாலிவுட்டில் சுவாரஸ்யமான ஒப்புமை உரையாடல்கள் நிறைய வலம் வருகின்றன.
ஜூலி, பாக்ஸின் உதடுகளுக்கு உள்ள ஒற்றுமைகள் அதில் ரொம்ப சுவாரஸ்யமானது, பிரபலமானது. இதேபோல இருவரையும் ஒப்புமைப்படுத்தி பல செய்திகள் வருவது சகஜம்.
ஆனால் ஜூலி இவற்றை விரும்புவதில்லை. நான்தான் ஒரிஜினல், பாக்ஸ் ஒரு காப்பி கேட் என்று கோபத்துடன் கூறுகிறார் ஜூலி.
எல்லா விஷயத்திலும் என்னை காப்பி அடிக்கிறார் பாக்ஸ். பச்சை குத்திக் கொள்வது, ஸ்டைல், பேஷன் என எல்லாவற்றிலும் என்னை அவர் பின்பற்றுகிறார். இது தவறு, நல்ல விஷயமல்ல என்கிறாராம் ஜூலி.
சமீபத்தில் பாக்ஸ் மீதான ஜூலியின் கோபம் மேலும் அதிகரித்தது. அதற்குக் காரணம், டாம்ப் ரைடர் படத்தின் தொடர்ச்சிப் படத்தில் நடிக்க மேகான் பாக்ஸை புக் செய்துள்ளனர்.
இதனால் கோபமடைந்துள்ளார் ஜூலி. 2001ம் ஆண்டு வெளியான டாம்ப் ரைடரில் ஜூலிதான் கலக்கியிருந்தார். லாரா கிராப்ட் என்ற கேரக்டரில் நடித்திருந்தார் ஜூலி.
இந்த நிலையில் டாம்ப் ரைடர் சீரிஸில் 3வது படம் உருவாகவுள்ளது. அதில், தன்னைப் போடாமல் மேகானைப் போட்டதால் கடுப்பாகியுள்ளார் ஜூலி.
இதை வெளிப்படையாகவும் அவர் விமர்சித்துள்ளார். இதுகுறித்து ஜூலி கூறுகையில், டாம்ப் ரைடர் தொடர்ச்சியில் ஹீரோயின் இளம் வயதுப் பெண்ணாக இருப்பதாக கூறுகிறார்கள். அதனால் என்னா, நான் என்ன கிழவியாகி விட்டேனா?
மேகான் பாக்ஸ், இந்த கேரக்டருக்கு பொருத்தமாக இருக்க மாட்டார். இது சரியான முடிவல்ல என்று கூறியுள்ளார் ஜூலி.
அங்கேயும் இங்க மாதிரிதானா...!
